Беларускі штангіст Макараў узяў бронзу ў рыўку на юніёрскім чэмпіянаце свету ў Калумбіі
Фота з архіва 12 ліпеня, Мінск . Беларускія штангісты завяршылі выступленні на чэмпіянаце свету па цяжкай атлетыцы сярод спартсменаў не старэйшых за 18 гадоў з двума медалямі,
У заключны дзень планетарнага форуму-U18 адбыліся спаборніцтвы хлопцаў у вагавой катэгорыі звыш 94 кг. Наш Сямён Макараў паказаў трэці рэзультат у рыўку (151 кг) і стаў пятым у штуршку (179 кг), сума 330 кг прынесла беларусу падагульняючае чацвёртае месца. Да тройкі ў дваябор’і не хапіла трох кілаграмаў, пры гэтым Макараў заваяваў малую бронзу ў першым практыкаванні. Перамогу па суме атрымаў Нікалоз Куртанідзэ з Грузіі (338 кг). 
Юніёрскі чэмпіянат свету па цяжкай атлетыцы прымаў калумбійскі горад Калі. Раней бронзавым прызёрам турніру ў штуршку сярод дзяўчат стала наша Уладзіслава Лавор (да 63 кг). Усяго беларускую каманду ў Паўднёвай Амерыцы прадстаўлялі чацвёра штангістаў. Віктар Шчогалеў замкнуў топ-5 у вазе да 65 кг, а Паліна Новікава размясцілася на 11-м радку ў катэгорыі звыш 77 кг.
Фота Мінспорту
