Видео
Қарағандыда өз жұмыс орнын тонаған әйел ұсталды
Қарағанды қаласында әйел өзі жұмыс істейтін сұлулық салонын сыбайласымен бірге тонап кетті, деп хабарлайды Sputnik Қазақстан Polisia.kz сайтына сілтеме жасап.Ұсталған әйел салонның ішкі тәртібін, жұмыс кестесін және ақша жатқан жерді білген. Соның пайдаланып, сыбайласымен бірге салонды тонап кеткен. Бірақ іште бейнебақылау камерасының орнатылғанын білмеген. Барлығы видеоға жазылып қалған.Салон иесі таңертең жұмысқа келген кезде ақша жоғалғанын көріп, алдымен камераларды тексерген. Одан кейін бірден полицияға хабар берген.Жедел іздестіру шаралары барысында күдіктілер қаладан қашайын деп тұрған жерінен — теміржол вокзалында ұсталды.Қазіргі кезде қылмыстық іс қозғалып, сотқа дейінгі тергеу шаралары басталды.
