Памяць і боль беларускай зямлі. 85 гадоў таму пачалася Вялікая Айчынная вайна
22 чэрвеня ў Беларусі — Дзень усенароднай памяці ахвяр Вялікай Айчыннай вайны і генацыду беларускага народа.
Трагічныя падзеі 22 чэрвеня 1941 года
На світанні 22 чэрвеня нацысцкая Германія, парушыўшы Дагавор аб ненападзенні, без аб’яўлення вайны напала на Савецкі Саюз. Першымі сустрэлі ўдар пагранічнікі Беларускай пагранічнай акругі (на той момант звыш 19 тыс. чалавек). Пасля першых ашаламляльных залпаў пачуліся галасы камандзіраў: «Застава, у ружжо!»
Цытадэллю мужнасці і гераізму стала Брэсцкая крэпасць. Яе гераічная абарона працягвалася з 22 чэрвеня па канец ліпеня 1941 года.
Генацыд беларускага народа
Беларусь за гады ВАВ страціла больш як 3 млн чалавек.
Поўнасцю або часткова спалена не менш як 12,8 тыс. сельскіх населеных пунктаў, не менш як 290 вёсак падзялілі лёс Хатыні.
Разбурана 209 гарадоў.
Матэрыяламі крымінальнай справы аб генацыдзе беларускага народа* даказана правядзенне нямецка-фашысцкімі захопнікамі не менш як 187 буйных карных аперацый. У нямецкае рабства сагнаны звыш 380 тыс. чалавек, многія з якіх загінулі. На тэрыторыі Беларусі існавала 578 лагераў смерці.
Подзвіг у імя Перамогі
На франтах змагаліся больш як 1,3 млн беларусаў і ўраджэнцаў Беларусі.
Процістаялі захопнікам 374 тыс. партызан, 70 тыс. падпольшчыкаў.
За мужнасць і адвагу 300 тыс. воінаў-беларусаў узнагароджаны баявымі ордэнамі і медалямі, 475 удастоены звання Героя Савецкага Саюза, 74 сталі поўнымі кавалерамі ордэна Славы.
Памяць аб мужнасці і гераізме
У Беларусі звыш 9 тыс. помнікаў, прысвечаных загінулым воінам і ахвярам вайны.
42 населеныя пункты Беларусі ўзнагароджаны вымпелам «За мужнасць і стойкасць у гады Вялікай Айчыннай вайны».
Мінску прысвоена званне «Горад-герой», Брэсцкай крэпасці — «Крэпасць-герой».
*Крымінальная справа па фактах учынення нацыстамі, іх саўдзельнікамі ў час Вялікай Айчыннай вайны (1941-1945 гг.) і пасляваенны перыяд на тэрыторыі БССР і іншых дзяржаў генацыду беларускага народа ўзбуджана Генпракуратурай Беларусі ў красавіку 2021 года.
Крыніцы: адкрытыя крыніцы.
