Асноўныя правілы паводзін у лесе. Што рабіць, калі вы заблудзіліся
Збіраючыся ў лес, выконвайце наступныя рэкамендацыі:
у пахмурнае надвор’е паход лепш адкласці;
па магчымасці не адпраўляйцеся ў лес у адзіночку;
паведаміце сваякам (знаёмым) аб маршруце і часе вяртання;
вывучыце асноўныя правілы арыентавання ў лесе;
апранайце яркае адзенне (аранжавага, чырвонага, жоўтага, белага колеру; камуфляж робіць чалавека нябачным з 3 метраў), яно павінна закрываць як мага больш участкаў цела;
надзявайце зручны, непрамакальны абутак;
вазьміце зараджаны мабільны тэлефон, powerbank, смарт-гадзіннік, GPS-навігатар, ліхтарык, запалкі, нож, запас вады і прадуктаў харчавання, неабходныя лякарствы.
Перш чым паглыбіцца ў лес, запомніце, з якога боку размешчана сонца: калі яно знаходзіцца справа, то пры выхадзе з лесу яно павінна аказацца злева.
Калі заблудзіліся ў лесе:
не панікуйце, спыніцеся і падумайце — адкуль прыйшлі;
прыслухоўвайцеся: шум трактара чуваць за 3-4 км, брэх сабакі — за 2-3 км, шум поезда — да 10 км;
знайшоўшы раку або ручай на шляху, рухайцеся ўніз па цячэнні;
шукайце лініі электраперадачы, прасекі, сцяжынкі — знайшоўшы, ідзіце ўздоўж іх.
Па магчымасці паведаміце блізкім аб сваім прыкладным месцазнаходжанні і патэлефануйце па нумары 101 або 112.
Не трэба спрабаваць выбрацца з лесу ноччу. Калі пачынае цямнець — займіцеся ўладкаваннем месца для начлегу ў сухім месцы.
Крыніцы: МНС Беларусі, адкрытыя крыніцы.
